Жезқазған қаласында “Таза Қазақстан” экологиялық акциясы аясында ағаштарды әктеу жұмыстары жүргізілді
Жезқазған қаласының Жастар ресурстық орталығының ұйымдастыруымен “Таза Қазақстан” экологиялық акциясы аясында ағаштарды әктеу жұмыстары жүргізілді.
Аталған шараның мақсаты – қала аумағын абаттандыру, экологиялық мәдениетті қалыптастыру және жастарды табиғатты қорғауға баулу. Акция барысында жастар қоғамдық орындардағы ағаш діңдерін әктеп, тазалық жұмыстарын атқарды. Бұл бастама қаланың көркін жақсартып қана қоймай, зиянкес жәндіктердің алдын алуға да септігін тигізеді.