"Ағама бар жақсылықты тілеймін": Айтыстың абызы Жүрсін Ерман 75 жасқа толды

Белгілі ақын Арман Бердалин желідегі парақшасында жаңа жазбасын жариялады.

«Айтыстың дамып, ұлтымыздың төл өнерінің жоғалып кетпеуіне себепкер болған айтулы ақын Жүрсін Ерман ағам бүгін 75 жасқа толып отыр. Ағама бар жақсылықты тілеймін! Жүрсін ағамның маған жазған „Арманды азғыру“ деген өлеңінен үзінді.

Ей Арман, немересі Бердалының,

Білдің бе баянсызын ер бағының.

Арқырап аламанда жүруші едің,

Басылып қалғандай ма енді арының.

Басыңды тауға да ұрып, тасқа да ұрып,

Сен іздеп жүруші едің басқа ғұрып.

Кісінің басына бұлт айналғанда,

Қалады басқа түгіл дос та құрып...» – делінген жазбада